လုပ်ဖြစ်နေတာ

မနက်ထဖို့  ဖုန်းကိုအမြဲအလန်းပေးထားတယ်။ ဒါပေမယ့် ထချင်တဲ့ အချိန်မှထတယ်။ တစ်ခါတလေ ပေးထားတဲ့ အလန်းအချိန်ထက်စောပြီး တစ်ခါတလေ နောက်ကျမှ ထဖြစ်တယ်။ ရေမိုးချိုးပြီး အလုပ်သွားဖို့ ပြင်တယ်။ မြတ်စွာဘုရားကို သောက်တော်ရေချမ်းနဲ့  ပန်းအိုးလဲကပ်ပြီး ၀တ်ပြုတယ်။ ဆွမ်းကတော့ အလုပ်သွားတဲ့ ရက်တွေမှာ သစ်သီးဆွမ်းကပ်ဖြစ်တာများတယ်။

ပြီးတာနဲ့ အိမ်ရှေ့ ကားမှတ်တိုင်ကနေ ကားစီးပြီး ရုံးသွားတယ်။ ကားပေါ်မှာ အေးတယ်၊ တွေးတယ်၊ ငေးတယ်။ တခါတလေ ဆွေးတယ်၊ လေးတယ်။ ရုံးနဲ့ အနီးဆုံး မှတ်တိုင်မှာ ဆင်းပြီး လမ်းဆက်လျှောက်ရတယ်။ လမ်းတစ်လျှောက်ကြည့်တယ်၊ လူတွေကြည့်တယ်၊ ကားတွေကြည့်တယ်၊ သနပ်ခါးပန်းပင်တွေကြည့်တယ်။ ဆောက်လက်စ အဆောက်အအုံတွေ ရဲ့တိုးတက်လာမှုတွေကို ကြည့်တယ်။ သူလိုတုန်းက ထီးကပ်ဆောင်းပြီး အခုတော့ ပြုံးပြတာ ပြန်နှုတ်မဆက်တဲ့ အမြဲတမ်းဆုံနေကျ တရုတ်မကို လည်းကြည့်တယ်။

ရုံးရောက်တော့ ကွန်ပျူတာဖွင့်လိုက်တာနဲ့ မနေ့ က လုပ်လက်စတွေနဲ့ မနက်ဖြန်လုပ်ရမှာတွေကို ဒီနေ့ လုပ်တယ်။ တနေ့ တာ အထိအတွေ့ ဆုံးအရာဟာ ကီးဘုတ်က ခလုတ်တွေပဲဖြစ်လိမ့်မယ်။ ဂျီမေးဖွင့်တယ်။ အီးမေးတွေ အကုန်ဖတ်တယ်။ ဖေ့ဘုတ်က alert mail တွေ တွေ့ ပြန်ရင် မနေနိုင်၊ မထိုင်နိုင် ၀င်ကြည့်ဖြစ်တယ်။ အလုပ်ဆက်လုပ်တယ်၊ လုပ်တယ်။ ခိုင်းထားတဲ့ အလုပ်လုပ်နေတုန်း နောက်ထပ် အလုပ်မလာရင်ဘဲ ဖြစ်ဖြစ်၊ လက်ရှိအလုပ်အကြောင်း ထပ်ပြောစရာမရှိရင်ဘဲ ဖြစ်ဖြစ် ဘယ်သူမှ ကိုယ့်ကို အရေးလုပ်ပြီး စကားလာပြောမယ့်သူ မရှိဘူး။ ရုံးမှာကိုယ်ကလွဲလို့ ကျန်တာ ယောက်ျားလေးတွေချည်းပဲ ရှိနေလို့ လည်းဖြစ်လိမ့်မယ် ထင်တယ် စကားသိပ်နည်းကြတယ်။ နေ့လည်ထမင်း စားမယ်ဆိုရင်တော့ ခေါ်တယ်။ "thazin, go for lunch?"။ sms ပို့ တဲ့အတိုင်းပဲ တိုတိုနဲ့ လိုရင်းပဲ။ နေ့ လည်စာ စားချိန်ဟာလည်း တစ်နေ့ ထက်တစ်နေ့ နောက်ကျကျလာတယ်။ ဒီရက်ပိုင်းတွေမှာ ထမင်းသွားစားတဲ့အခါ ကန်တင်းမှာရှိတဲ့ ၂ ဆိုင်းတည်းသော ထမင်းဆိုင်မှာ ထမင်းကုန်သွားပြီ။ ခေါက်ဆွဲတော့ရှိသေးတယ်။

ထမင်းစားချိန်ဟာလည်း မိနစ် ၂၀ ထက်မပိုဘူး။ ပြီးတာနဲ့ အလုပ်ဆက်လုပ်တယ်။ custom message တွေပြောင်းပြောင်းနေတာတော့ gmail မှာတွေ့ နေတဲ့ လူတွေမြင်ပါလိမ့်မယ်။ ကြာရင် ပါးစပ်ကစကားမပြောဘဲ စာတွေနဲ့ ပဲ ပြောတတ်တော့မှာ စိုးရိမ်မိပါတယ်။ အလုပ်ဆက်လုပ်ပါတယ်။ ၇ နာရီဝန်းကျင်လောက် ပြန်ဖို့ ပြင်ပါတယ်။ ထုံးစံအတိုင်း ရုံးကနေ ကားဂိတ်ကို လမ်းလျှောက်ထွက်ရတယ်။ အခုတလော မိုးတွေရွာတော့ ချော်လဲမှာစိုးတာနဲ့ ဖြေးဖြေးလျှောက်တော့ စီးနေကျကားလွတ်လွတ်သွားတယ်။ ဒါတောင် တနင်္ဂနွေနေ့ က အိမ်အောက်ရောက်မှ လှေကားအတက်မှာ မှောက်ရက်လဲလို့  ဒူး၂ဖက် အညိုအမည်းစွဲနေပြန်တယ်။ ဒါနဲ့ ပါဆို စလုံးရောက်မှ ချော်လဲတာ ၃ ခါရှိပြီ။ ခြေမခိုင်ဘူးထင်တယ်။

အိမ်ရောက်တော့ မြတ်စွာဘုရား သောက်တော်ရေချမ်းနဲ့ ပန်အိုးကို လဲကပ်တယ်။ရေချိုးတယ်။ ထမင်းစားတယ်။ ဒါနဲ့ ပဲ ၉ နာရီ ကျော်လောက်ရောက်သွားတယ်။ ကွန်ပျူတာဖွင့်တယ်၊ ဂျီတော့ဖွင့်ထားတယ် ဘယ်သူနဲ့ မှ သေချာစကားမပြောဖြစ်ဘူး။ ဖေ့ဘုတ်ဖွင့်ထားတယ် ဘာမှလည်း ရေရေရာရာမသုံးဖြစ်ဘူး။ youtube ဖွင့်ထားတယ် နားထောင်နေကျ သီချင်းပဲ လိုက်ရှာနားထောင်တယ်။ google reader ဖွင့်ထားတယ် အသစ်တွေ့ ရင်ဖတ်တယ်။

၁၁နာရီ ထိုးပြီ။ အချိန်ကုန်သွားပြီ။ အိပ်ဖို့ ပြင်တယ်။ သွားတိုက်မယ်၊ ဆေးသောက်မယ်။ ပြီးရင် ဘုရားဝတ်ပြုမယ်။ အိပ်ရာဝင်တိုင်း အိပ်ပျော်ဖို့ သိပ်ခက်တယ်။ ဒါဟာ အရင်ဘ၀တွေက ၀ဋ် ပါလာလာ ဖြစ်နိုင်တယ်။ ချမ်းသာစွာ အိပ်စက်ရခြင်း ဆိုတဲ့ မေတ္တာအကျိုးမခံစားရတာလည်း ဖြစ်နိုင်တယ်။ ချက်ခြင်းအိပ်ပျော်သွားတယ်ဆိုတာ အင်မတန်ရှားတယ်။ ငယ်ငယ်ကဆို အမေထရိုက်ပြီး အိပ်ခိုင်းတဲ့အထိဖြစ်ခဲ့တယ်။ အဲဒီနောက်ပိုင်း အိပ်ချင်ယောင်ဆောင်တတ်လာတယ်။ တခါတလေ မိုးလင်းသွားတာကလွဲလို့  နောက်ဆုံးတော့လည်း အိပ်ပျော်သွားပါတယ်။

+++++

ငါ ဘာတွေလုပ်နေမိပါလိမ့် ဆိုတဲ့ မေးခွန်းကို မေးမိပြီး တွေးမိတာတွေ ချရေးကြည့်တာပါ။ chocothazin ခုတလော ဒီအလုပ်တွေလုပ်နေပါတယ်။